New Delhi, Nohprah 26: Ka President jong ka Ri India ka Droupadi Murmu kala pynkup burom ia ka khusnam Pradhan Mantri Rashtriya Bal Puraskar sha ki 17 ki khynnah rit halor ki kam shlur ka jong ki ha ki hynniew tylli ki kyrdan ia kaba la pynlong ha Rashtrapati Bhavan Cultural Centre mynta ka sngi.
Na kane ka jylla Meghalaya bala shah pynkup burom namar ki kam shlur jong u u dei u hep rit u Kisen Wanniang 15 snem na ka shnong Mawlangwir, South West Khasi Hills District ha kaba u la pynlait im ia saw ngut ki khynnah kiba ha peng 9 bad 12 snem kiba la shah rong ha ka um ha ka wah Maweitksar.
Haba la ioh sngew ia ka sur pan jingiarap, khlem da don ka jingpyrkhat kaba ar sien khlem da pyrkhat ia ka jingim la jong u la rynsit sha wah bad u la pynlait na ka jingshah rong ha ka umsaw bad pynlait im ia ki saw ngut ki khynnah da ka jingshlur.
Ia u Kisen Wanniang la la pynkup burom da ka khusnam Pradhan Mantri Rashtriya Bal Puraskar namar kane kam shlur ka jong u, kane ka sngi ka long ka jingsah kynmaw bad ia ka burom ka jong u ha ka kam shlur kaba u la leh ban pynlait im ia ki para briew.
Haba kren ha kane ka sngiu ka President kala ai khublei ia baroh kiba la ioh ia kane ka khusnam ha kaba ka umlang sah lang bad ka ri baroh kawei ka sngewsarong ia ka jingshlur ka jong ki bad ia kaei kaba ki la leh bad kila buh ia ka nuksa ia kiwei ki khynnah ha ka Ri India.
Ka President ka Ri India ka ong ba kane ka dei ka kabu ban ai ka jingithuh ia ki sap ki phong ka jong ki ban pynneh pynsah ia ka tynrai, kala ban bun ba ia kane ka mynsien iarap ka dei ban dang iai bteng bad dei ha u snem 2047 ha kabaka ri India kan rakhe ia ka jingioh lait luid 100 snem.
Kane ka khusnam kan ai jingshai ia ki paidbah nongshnong kane bad ki don ki khun samla kynthei bad shynrang ki long ki nongsain dur ia la lawei jong ka Ri India bab pynlong ia ka Ri India ka Ri kabala kiew ha baroh ki liang.
