Shillong, Nailur 07: Mynta ka sngi ki briew jong ka State Disaster Response Force (SDRF) kila ioh ban sei ia ka met jong u khynna ba iap ngam jyllop ha wah Umiam ha jan shnong Nonglum Mawiong jong ka Ri Bhoi District.
Ka kynhun trei kam na ka East Khasi Hills district authority haba kila ioh ia ka kyrpad na ka Ri Bhoi police ha ka miet sngi Thohdieng bad ki briew jong ka State Disaster Response Force (SDRF) kila sdang ban wat ha ka por 10.30 baje mynstep mynta ka sngi.
Ia ka kynhun jong ka SDRF la ia lam da u bah Transly Tynsong inspector bad ia ka met la ioh bans ei ha ka por 10.45 baje mynstep dei khun jong ka kong Jantilin Makri na ka shnong Nonglum Mawiong Ri Bhoi District, ia ka met la aiti sha kiba ha iing ha sem bad sha ki pulit.
Ki briew jong ka SDRF kila pyndon kam ia ki lieng kyndang ban wat ia ka met jong u khynnah bad la lap tang hapoh khatsan minit ha kane ka jngwat la sei ka ka met na ka wah bad la aiti sha ki pulit bad kiba ha iing ban leh ia kaba don kam.
