Shillong, Naitung 02: Mynta ka sngi u myntri rangbah ka jylla u Conrad K Sangma u la pynurlong ia ka jingangnud ka kynhun nongtem ka “Eastern Brook Band” ka kynhun kaba don jingduna bor iohi da kaba ai ia ki tiar tem lyngba ka skhim “Grassroots Music” kane ka dei ka skhim jong u myntri rangbah ka jylla ban kyntiew ia ka sap tem.
Kane ka kynhun nongtem ka kynthup ia ki saw ngut ki dkhot kiba la juh tem na ka por sha ka por wat ha pdeng ka jingeh kaba ki don, kane ka jingkwah tiar tem ka jong kila pynpaw ha kaba u myntri rangbah ka jylla u la pynioh ia ki tiar tem sha kane ka kynhun kaba don ia ka jingieit ia ka rwai ka saiw.
U Myntri rangbah u la ai khublei kyrpang ia kane ka kynhun kiba la pynpaw ia ka sap ka phong ka jong ki wat ha pdeng ki jingeh kaba ki ia kynduh ba kin poi sha ka thong, u myntri rangbah u la ong ba ka jingrwai ka don ia ka bor ban wan lam ia ki briew ha kawei ka jaka.
U Myntri Rangbah la ong ba kane ka skhim Meghalaya Grassroots Musice ka long ka thong ban plie lat ia ki samla kane ka jylla ba kin ioh ia ka lat ba kin pyni ia ka sap ka phong ka jong ki samla kaba ki don.
