Shillong, Nailur 13: U Bah Metbah Lyngdoh bala pynieng da ka kynhun Meghalaya Democratic Alliance (MDA) mynta ka sngi u la jop ia ka ilekshon Speaker pyrshah ia u Winnerson D Sangma bala pynieng da ka seng Congress kaba dei ka liang pyrshah hapoh ka iing dorbar.
Ha kane ka jingiathep vote u bah Metbah Lyngdoh u la ioh 39 vote bad u Winnerson D Sangma u la ioh 19 vote. Ha kane ka jingiathep vote baroh ki MLA kila thep ia la u jong u jong u kyrtong ba ki la pynieng.
Ka Kynhun MDA, kaba kyntup ia ka NPP, PDF, HSPDP, BJP bad ka Kynhun UPF ka don sawphew ngut ki MLA ha ka iing dorbar kaba 59 ngut, ka jingioh jong u Bah Metbah 39 vote ka long ba u Deputy Speaker u Timothy D Shira u khlem thep vote namar ba u pyniaid ia ka ilekshon.
U kyrtong ka liang pyrshah u Winnerson D Sangma u la ioh ia ka vote kaba dei ki MLA jong ka party Congress kiba don 19 ngut hapoh ka iing dorbar kaba 59 ngut. Ha dien bala niew ia ki Vote na ka liang jong u Deputy Speaker u la pynbna ba u bah Metbah u la long u nongjop ha kane ka ilekshon speaker sha ka iing dorba rthawain jong ka jylla Meghalaya.
Ia ka jingkren ai khublei ia u Spekaer ba thymmai jong ka iing dorbar la sdang da u nongialam jong ka iing dorbar u Myntri rangbah ka jylla u Conrad K Sangma bud sa ki dkhot jong ka iing dorbar kyntup ia u nongialam ka liang pyrshah u Dr Mukul Sangma bad ia ka jingkren pynkut la kren da u Speaker jong ka iing dorbar u bah Metbah Lyngdoh.
