Shillong, Nohprah 03: Ka jingniew vote sha ki saw tylli ki jylla ha kane ka MLA Election kaba la long mynta ka sngi kala pynlong ba ka BJP kan ioh bat biang ia ka jingsynshar hapoh ki lai tylli ki jylla, ka Madhya Pradesh, Chhattisgarh, Rajeshthan, katba ka Congress kala ioh ban knie ia ka bor synshar ha Telangana.
Ha Madhya Pradesh, ha ka iing dorbar kaba 230 ngut ki MLA, ka BJP kala ioh 159 bad ka lah ban thaw sorkar marwei, ka INC kala ioh 69, ka BSP 1 bad ka BHRTADVSIP-1, da kane ka BJP kala ioh ban bat biang ia ka bor synshar ha kane ka ylla.
Ha ka jylla Chhattisgarh, ka BJP ka dang ioh biang ban bat ia ka bor synshar, ha ka iing dorbar ka 90 ngut ki MLA, ka BJP kala ioh 54 ngut ki MLA, ka INC 33 ngut, ka GGP-1, BSP-1 bad ka CPI-1.
Ha ka jylla Rajasthan, ha ka iing dorbar kaba 199 ngut ki MLA ka BJP kala ioh 114 ngut, ka Congress kala ioh haduh 70 ngut ki MLA, ki kyrtong shimet kila jop haduh 7 ngut, ka BHRTADVSIP-3 bad ka BSP-2 ngut.
Ha ka jylla Telangana ha ka iing dorbar kaba 119 ngut ki MLA, ka INC kala jop 64 ngut ki MLA, ka seng BHRS kala ioh 40 ngut ki MLA, BJP 8, AIMIM 6 bad CPI 1, ka Congress kala ioh ban bat ia ka jingsynshar ha ka sien kaba nyngkong ha kane ka jylla naduh ba kala ioh ia ka jylla.
Na ka daw jong ka jingpyrshah ki paidbah ka jylla Mizoram ia ka jingniew vote ba dei mynta ka sngi la pynynriah sha ka 4/12/2023 laba mut ka jingniew vote hakane ka jylla ba dei na North East India kan long la shai ka sngi.
