Shillong, Jymmang 23: Ka kyrtong jong ka NPP ka Ferlin C A Sangma kala jop ia ka ilekshon MLA shiteng samoi na ka 48-Selsella Konsitwensi da 3511 pyrshah ia ka kyrtong jong ka seng Congress ka June Eliana R Marak.
Da kane ka jingjop ka NPP mynta kala don 21 ngut ki MLA jong ka seng ha ka jylla Meghalaya. Kane ka jingjop ha kane ka ilekshon shiteng samoi kala dang pynkhlain shuh shuh ia ka party NPP ha kane ka sorkar Khleh khawlang.
Na ka liang jong myntri rangbah ka jylla u Conrad K Sangma ba dei ruh National President jong ka NPP u la ai khublei ia ki paidbah kiba la pynjop don burom ia ki kyrtong jong ka seng ka Agatha K Sangma kum ka MP bad ka Ferlin C A Sangma kum ka MLA na Sesella.
