Shillong, Nailar 27: Ia ka jubab jong ki paidbah ha kane ka elekshon MLA shiteng samoi kala paw mynta ka sngi ha dienb a la dep ban niew ia ki but. Na 35-Ranikor Konstitwensi, u la jop u Bah Pius Marwein jong ka UDP, katba na ka 51- South Tura la jop u Conrad K Sangma jong ka NPP.
Ka jingioh but jong ki kyrtong ha kane ka elelshon shiteng samoi ha ka 35-Ranikor Konstitwensi ki long , u Jackuish A Sangma na ka seng Congress u la ioh 937 but, u bah PN Syiem PDF u la ioh 1977 but, u Martin M Danggo NPP u la 10095 but u Bah Pius Marwein na ka UDP u la ioh 13138 but bad u la jop da 3043 but. Ka but kaba leit sha ka NOTA ka long 178 bad baroh kiba la wan ban thep vote ki long 36325 but.
Ha 51-South Tura Konstitwensi ka jiongioh jong ki kyrtong ka long, u Conrad K Sangma na ka NPP u la ioh 13655 but bad ka jingtam ka long da 8420 but, ka Charlotte W Momin jong ka INC kala ioh 5235 but, u John Leslee K Sangma kyrtong shimet u la ioh u la ioh 2211 but , u Chris Kabul A Sangma kyrtong shimet u la ioh 897 but bad ka but kaba la leit sha u NOTA ka long 218 but.
Ka iing dorbar jong ka jylla Meghalaya kaba 60 ngut ki MLA, ka jingdon MLA jong ki party hapoh ka iing dorbar mynta ka long ka INC ka don 20 ngut, NPP 20 ngut, UDP 7 ngut, PDF 4 ngut, HSPDP 2, BJP 2, KHNAM 1, NCP 1, Independent 3.
