Shillong, Jylliew 04: Ha ka jingniew vote mynta ka sngi u Dr. Ricky Andrew J Syngkon u la ioh ia ka vote 571078 vote ha kaba u la long u dei u MP u ba lai ban jop kum u kyrtong seng riewlum na kane ka 1-Shillong Parliamentarty (ST) Konstitwensi.
U Dr. Ricky u la ioh 571078 vote katba u bah Vincent H Pala ioh 199168 vote ha kaba la jop da 371910 vote pyrshah ia kyrtong ka INC, kiwei ki kyrtong, ka Dr. Ampareen Lyngdoh jong ka NPP kala ioh 186488 vote, bah Robert June Kharjahrin UDP la ioh 44563 vote.
U Prof. Lakhon Kma Independent la ioh 18582 vote, bah Peter Shallam Independent la ioh 7024 Vote. Kiba thep NOTA 11008 vote. Ha kane ka sngi ki nongkyrshan jong ka party VOTPP kila ia shad da ka jingkmen namar kila poi sha ka thong jong ka jingjop.
Naka 2-Tura Parliamentary (ST) Konstitwensi u Saleng A Sangma INC u la jop ha kaba u la ioh 383919 vote ha kaba u la jop pyrshah ia ka Agatha K Sangma NPP kaba la ioh 228678 vote ha kaba u la tam da 155241 vote.
Kiwei ki kyrtong, u Zenith M Sangma u la ioh 48709 vote bad u kyrtong shmet u Labeng Ch Marak u la ioh 6910 vote. Ka INC kala jop biang na Tura ha dien 20 snem, kane ka jingjop jong ka INC na Tura kala pynkyndit ia ka NPP.
