Shillong, Jylliew 22: Mynta ka sngi u secretary jong ka seng HNYF jong ka thain shathie ka Mawsynram u bah Drishon Mawlein u la ong ban pynaw ia a jingpyrshah ia ka sorkar ba kam sym leh ei ei ia ka surok Mawphlang Balat, kin pylong ia ka jingiakhih la sngi nyngkong.
Haba kren sha ki lat pathai khubor mynta ka sngi ha Shillong Press Club la ong ba kane ka surok khamtam na Weilei sha Balat bad sha Umpung kane ka surok kala sniew ha balat bad mynta lei da ki spah tylli ki trok kit Coke bad shyiap kiba la kit palat pud bad kane kala dang pynjot shuh shuh ia ka surok la kynnoh.
U bah Kyllang Thongni President ka HYNF ka thain Mawsynram, la ong ba mynta ki don saw ngut ki MLA na Mawphlang, Mawkyrwat, Mawsynram bad Ranikor ki dei na ka party UDP bad ki don ha ka sorkar bad la kwah ban iohi ba dei ban leh ei ei na ka bynta kane ka surok namar kane ka surok kala pynjp bad pynrem MLA ia kiba bun.
La kyntu ia u myntri ka tnad shna surok ia u Bah Prestone Tynsong ban peit lem ia kane ka surok ne ki hap ban ap haduh ban da ioh ia ki MLA na ka party NPP, na ka liang ka seng ka dawa ba ka sorkar ka dei ban peit len ia kane ka suro kaba la sniew palat mynta la jan 40 tylli ki snem.
La ong ba kane ka surok ka log kaba don kam haduh katta katta namar ka dei ka surok kaba pyniasoh bad ki kad khaii sha Bangladesh bad ki hat kiba don ha khappud bad ka Bangladesh, la kam ba na ka daw jong ka jingsiew palat ka surok la kiew dor sha ki marbam mardih ruh.
