Shillong, Risaw 26: Ka North Eastern Institute of Ayurveda and Homoeopathy, ka Autonomous Institute hapoh ka Ministry jong ka AYUSH, Government of India, Mawdiangdiang, Shillong, ka la pynlong ia ka One-Day Workshop ha ka sngi Thohdieng.
Ka phang pdeng jong ka workshop ka long “Ayurveda for Longevity”.. Lah sdang ia ka sngi da ka Dhanvantari puja ha kapor 8:30a.m., nangta bud sa ka technical session ba nyngkong, ha kaba U Prof. (Dr.) Abhichal Chattopadhya, u la ai jinghikai shaphang ka jingmyntoi jong ka Ayurveda.
U Kongsan ha kane ka sngi u long U Shri. Tathagata Roy, U Lat ba don burom jong ka Meghalaya. Ki syrbud kongsan ha katei ka sngi ki long U Prof.(Dr.) A.C. Phukan, Dean (Academics), NEIGRIHMS, Shillong, bad U Prof. (Dr.) Abhichal Chattopadhya, HOD, Dept., Maulik Siddhant, IPTR&SVVP, Kolkata.
Ka jingplie ia ka workshop lah sdang da ka jingthang sharak bad jingpynkup syntiew ia U Dhanvantari, nangta bud sa ka jingpynkup burom ia kiba shah khot sngewbha. La ai jingkren pdiang sngewbha da U Prof. (Dr.)P.K.Goswami, Director, NEIAH, nangta bud sa ka jingpynkup burom ia ki 16 ngut ki Ayurvedic Doktor na kylleng kylleng ka North East na ka bynta ki kam pynbha pynman ka jongki ia ka Ayurveda ha ki jaka Mihngi ka Ri India .
U Prof.(Dr.) A.C. Phukan, u lah ong ba ka Ayurveda ka dei ka system kaba la paw kylleng ka pyrthei bad pyndonkam ia ka ha ka jingim ba man kasngi. U lah ong ruh ba ka Ayurveda kam dei tang ban pynjrong ia ka jingim u briew, hynrei ban pynkiew ia ka rukom im.
U Prof. (Dr.) Abhichal Chattopadhya u lah ong ba ka jingsumar Rasayana(rejuvenative) ka pynjrong ia ka jingim. U lah ong ruh ba baroh ki jingpang ym lah ban sumar hynrei ngi lah ban iada ia ki da ka jingmyntoi ka Ayurveda.
U Kongsan, U Tathagata Roy, U Lad ba don burom jong ka Meghalaya, U lah ong ba ka Ayurveda ka long kawei na ki system jong ka medicine kaba lah ban sumar ia u briew baroh shirynieng, ym kum kiwei ki rukom sumar kum ki Chiropathy, Osteopathy,etc. U lah ainguh ruh iaka sorkar ka ri India ba ka ailad ban mih kane ka institute (NEIAH) ha Shillong ka ba ai lynti ban pynkhlain ia ki research halor ki dawai AYUSH, ha North East India.
Lahpynkut ia ka programme da ka jingkren khublei na i Smti. KimchinLhangum, Deputy Director, NEIAH, nangta bud sa ka National Anthem.
La sdang ia ka technical session ba ar hadien khyndiat por ha kaba U Dr.Bhupen Barman, Associate Professor, Dept. Medicine, NEIGRIHMS, Shillong u lah ai jingkren katkum ka phangpdeng.
