Shillong, Rymphang 17: Kumba kala paw na ka jingbam pisa shuh na ka tand ka kit ka bah jong ka jylla ia kaba la wanrah da u myntri ba dei peit ia ka kam kit kam bah u bah Sniewbhalang Dhar la kdew shai ba ka sorkar jylla kala mang pisa phra klur ha kane ka snem mang tyngka 2023-2024 ban siew bai Helikopter kaba dei ka bhah jong ka ylla.
Kane ka bai Helikopter ka long ba hap ban siew sha ka M/s Aryan Aviation Private Limited kaba la kot sha ka T.6.16 klur tyngka, kata ka jingpynlait pisa ka long tang T.2.13 klur tyngka, hynrei katba dang ap ia ka pisa ban ioh la dang siew noh T.29.47 lak tyngka ha kane ka snem mang tyngka 2023-2024.
Ia kane ka Helikopter la pyndon kam da ka sorkar Meghalaya na ka bynta ka leit ka wan jong u myntri rangbah ka jylla bad na ka bynta ki myntri sorkar haba ki don kam na ka bynta ki kam kiba ki hap ban pyndep katkum ka kam kaba ki bat ha ki tnad bapher bapher.
