Shillong, Rymphang 11: U nongialam ka seng BJP ba dei peit ia ka jylla Meghalaya u Dr. M. Chuba Ao ba dei ruh National Vice President la ong ba ka party BJP kan nym weng na kane ka sorkar MDA ha Meghalaya namar mano mano ruh lah ban wan kyrshan ban pynkhlain ia ka sorkar.
Haba kren ha ki lat pathai khubor ha dien ka jingialang jong ka party la shim ba kam dei ba ka BJP ka leit ban kyrshan ia ka Congress hynrei dei ka Congress kaba kyrshan ia ki kata ka jingtlot jong ki namar kum ka congress kim lah ban trei kam.
Kine ki MLA jong ka Congrss kiba la wan ban kyrshan ia ka sorkar ki wan kum ki dkhot shimet bad hapoh ka party jong ki ka dei ka kam jong ki aiu kin leh pyrshah ia kine ki MLA, na ka liang jong ki ruh ki tip bha shuwa ba kin wan ban kyrshan ia ka sorkar.
Kumba ka long mynta ka ilekshon ha kane ka jylla Meghalaya ka long sa tang 10 bnia mynta, na ka liang jong ka BJP kan nym khot ia ki party ban iatreilang, hynrei ai kiwei ki party kin wan ban ia treilang ha ka ilekshon.
U Bah Ernest Mawrie Sate President jong ka BJP u la ong ba ha kane ka jingialang jong party bala wan ban ia shim bynta da ki ar ngut ki MLA, u National Secretary, ha kane ka jingialang la shim ia ka rai ban thoh da ka shithi sha u myntri rangbah ban pan jignpynshai halor kane ka jingwan kyrshan ki MLA Congress, ia ka shithi yn phah la sngi nyngkong.
Haba ia dei bad kane kum ka party kan thoh ruh sha ki nongialam jong ka party ha Delhi haba ia dei bad kane ka jingwan kyrshan ki MLA Congress bad kumba ka long mynta ki MLA Congress ki pdiang ia ka rukom pyrkhat ka party BJP.
