Shillong, Iaiong 13: U Bah Fredric F Kharkongor Chief Electoral officer jong ka tnad Election jong ka sorkar Meghalaya u la ong ban shim ia ka rai ban pynshitom ia kito kiba pynkhein ia ka “Model Code of Conduct “ lane ki kyndon ain jong ka Election dei ha u Returning Officer.
Haba jubab ia ki jingkylli jong u SP News Agency, na ka liang jong u CEO u la iathuh ba ka shithi kala poi ha kaba ia dei bad ka jingpynkhien jong u Bah AL Hek jong ka BJP ia ki kyndon ain jong ka ilekshon, hynrei ia kane yn nym lah ban kren ei ei namar ka shong ha u Returning Ophisar jong ka 1-Shillong Parliamentary Konstitwensi.
Haba la kylli hato ka dei shisha ne em ba kan don ka jingdain kumna, na ka liang jong u CEO u la ong biang ba ym lah ban jubab ia kane namar ka dei ha ka bor jong u Returning Ophisar.
Na ka liang jong u SP News Agency u la pyrshang ban phone sha u Returning Ophisar jong ka 1-Shillong Parliamentary Konstitwensi u Abhishek Bhagotia ban ioh ia ka jingshai ha kaba ia dei bad kane ka jingshah kynnoh jong u Bah AL Hek na ka liang jong u Returning Ophisar yn shym la jubab.
Na ka liang jong u Bah AL Hek haba kren ha u SP News Agency u la ong ba haduh mynta ym pat ioh kano kan ka jingthoh na ka u Returning Ophisar, haba ia dei bad kane ka jingshah kynnoh ba u la pynkhien ia ki kyndon ain jong ka elelction Commission.
