Shillong, Naiwieng 30: U Bah Robertjune Kharjahrin lamphang jong ka Confederation of Meghalaya Social Organisation (CoMSO) u la iathuh ba ha ka jingialang kaba la long mynta ka sngi bad u myntri kam poh iing jong ka sorkar pdeng u Amit Shah ha Nongbah Delhi halor ka Citizenship Amendment Bill, 2019 na ka liang jong ka jylla Meghalaya da kawei ka sur kila pynpaw ba ki pyrshah ia katei ka Bill.
Ha kane ka jingiakynduh na ka liang jong u myntri kam poh iing ka sorkar pdeng u Amit Shah u la pynsngew ha kane ka jingialang ba ha kane ka CAB kaba thymmai kan nym trei kam ha ki jylla kiba la don lypa ia ka Inner Line Permit bad ki jaka ba don ka Sixth schedule.
Ha kane ka jingiakynduh ia u myntri kam poh iing jong ka jylla na ka liang jong ka CoMSO kala pynpaw ba ka sorkar pdeng ka dei ban pyndam noh shisyndon ia ka CAB. Lane ka long katkum ka jingphah u Bah Robertjune Kharjahrin lamphang ka CoMSO.
Ha kane ka jingiakynduh la don lang u myntri rangbah , ki president jong ki seng sain pyrthei, ka KSU bad ka GSU na ka jylla Meghalaya.
