Shillong, Nov 25: Mynta ka sngi u Dr Mukul Sangma bad ki 11 ngut ki MLA kiba la mih na ka party Congress bad pynbna ba kila leit ban pyniasoh bad ka party Trinamul Congress, ka long ba ka daw ka long ba ka party congress kum ka liang pyrshah hapoh ka ri kam shym pyndep iala ka jong ka kamram kum ka liang pyrshah.
Kum ki nongialam ki hap ban wat ia kawei pat ka lynti kaba lah ban iada ia ka jylla bad ia dong shatei lam mih ngi baroh kawei bad ban iada ia ka Ri baroh kawei, halor kane la ia kren ruh bad kiwei ki nongialam ka AICC bad la ia kren ruh bad kiwei ki paralok, na ka bynta ka jingbha ki paidbah ka jylla bad ka Ri kila rai ban mih na ka party Congress bad iasoh bad ka TMC.
U Dr Mukul mynta ka sngi u la phla ba ha kine ki snem kiba la leit baroh kim shym la ioh ban ai ka jingshakri kaba paka sha ki paidbah ka jylla ka daw ka long namar ba ia suk jong ki la phah ban sngap noh, kane ka jingiawan lang ka long ban wanrah ia ka jingkylla kawei ka sur ha baroh kawei ka Ri India.
Dr Mukul la ong ba kum ka liang pyrshah ha kane ka jylla Meghalaya kila pyndep ia ka kam jong ban leh ia kaba don kam kum ka liang pyrshah, hynrei na ka Ri India kum ka liang pyrshah kam shym la lah leh ei ei, la ai nuksa ba wat la ki jopbun eh ha u snem 2018 kim shym la lah ban ioh ban thaw ia ka sorkar.
Ban ia khun pyrshah ia ka kynhun kaba long pyrshah ia ka kynhun kaba ktah ia ka synshar paidbah, ki paidbah ki kwah ban iohi ban don ha ka kynhun kaba lah ban ia khun pyrshah ia ka BJP, hato ha kane ka jylla don ba ia khun pyrshah ia ka BJP, ka party BJP ka tip ba kin nym vote iaka BJP dei na kane ka daw ki pyndon kam ia ka NPP kaba ki paidbah ki tip.
U Bah Charles Pyngrope haba kren ha ki lat pathai khubor la ong ba ka jingbym lah ka party Congress ban ia khun pyrshah ia ka party kaba don ha ka bor mynta dei na kane ka daw ki hap ban wat ia kawei pat ka kynhun ba lah ban ia khun pyrshah.
Ha kane ka sngi baroh 12 ngut ki MLA kiba mih na ka party Congress kila don lang haba kren ha ki lat pathai khubor ban pynskhem ba kila mih na ka party Congress bad leit ban pyniasoh bad ka TMC.
