Shillong, Jylliew 06: Ka dor die khutia ia u shini ha Iewduh ka iapher na kawei ka dukan sha kawei pat, don kiba die haduh T.50/- tyngka shikilo, don kiba dei T.48/- tyngka bad don kiba dei T.47/- tyngka shi kilo kane kala neh mynta ka kham katto katne sngi.
Ha u SP News Agency u la ioh ban ia kren bad u R. Sethia president jong ka Meghalaya Chamber of Commerce and Industry (MCCI) la aithuh ba ka dor dielang ia shini ha Shillong ka dei T.45/- Tyngka shikilo, ka jingkiew dor ka dei na ka jingkiew na ki jaka die lang ha ki jylla kiba pynmih shini.
Haba ia dei bad ka jingdie khuti ha iew ha hat, la ong ha ha ka jingshisha kam dei ban kiew palat, hynrei na ka liang jong ka MCCI kan ym lah ban kren ei ei ia katei ka jingdie ha ki dukan ba dei khutia namar ki peit tang ia ka jingdei lang bad ka jingkiew jinghiar ka dei ha ka jingkiew dor na ki jaka die lang ha ki jylla ba pynmih shini.
Na ka liang jong u Deputy Commissioner ka East Khasi Hills District u S C Sadhu la ong ba na ka liang ka ophis ka dang peitngor bha ha kaba ia dei bad ka dor ka mur jong ki mar bam ha iew ha hat ba kan nym don kata ka jingkiew dor sha bapalat.
