Shillong, Rymphang 24: Ka Dorbar mang tyngka na ka bynta u snem 2020-21 kan sdang ha ka 13 tarik Lber 2020 bad kan kut ha ka 26 tarik u juh u bnai. Ka jingshong dorbar kan long 10 sngi, hynniew sngi na ka bynta ki kam sorkar bad lai sngi na ka bynta ki liang pyrshah.
U Lat jong ka jylla un ai jingkren hapoh ka iing dorbar ha ka 13 tarik bad ia ka mang tyngka na ka bynta u snem 2020-21 kan long ha ka 18 tarik bad ia ka mang tyngka un pdiang da ka iing dorbar ha ka 26 tarik ka sngi kut jong ka jingshong dorbar.
Kane ka long katkum ka kyrwoh kaba la phah mynta ka sngi na ka ophis jong u Commissioner Secretary jong ka iing dorbar thawain ka jylla, u Dr Andrew Simons.
