Shillo
ng, Naitung 12: Ka elekshon ban jied ia u Chief Executive Member (CEM) jong ka Khasi Hills District Council (KHADC) kaba la buh ban long mynta ka sngi la hap ban buh teng noh na ka daw jong ka jinghiar shuki syndet jong u Bah L G Nongsiek kum u Chairman ka KHADC.
U Bah HS Shylla kandidate jong ka Khasi Hills Democratic Alliance (KHDA) haba kren ha ki nongthoh khubor u la iathuh ba ia ka elekshon kaba la buh ban long mynta ka sngi la hap ban pynsangeh na ka daw jong ka jinghiar shuki syndet jong u Chairman ka KHADC.
Haba ia dei bad kane ka jinghiar shuki na ka liang jong ka Legislative ka KHADC kala phah sha u Lat jong ka jylla bad u Lat jong ka jylla un hap ban pyntip biang ia ka sngi ban pynlong ia ka elekshon ban jied CEM da kaba thung ia u Preterm Chairman bad ia u CEM ba shipor ban peit.
Katkum ka jingtip kaba ki la lah ban ioh la ong ba ka liang jong u Lat ka jylla un thung ia u Prpterm Chairman ban pyniaid ia ka elekshon la shai ka sngi bad ia u CEM ba shipor ban peit ia ka ophis, la iathuh ba na ka liang jong u Lat ka jylla un dang hap ban pynmih ia ka jingpynbna mynta ka sngi kumta ia ka elekshon CEM la sngewthuh ba kan long la shai ka sngi.
U bah Shylla u dawa ba kito ki briew kiba don kti ban wanrah ia kane ka jingkunrum kynram hapoh KHADC kila dei ban resign syndon wat na ka kam MDC. Kane ka jingleh ka long kaba pynhiar dor. U Bah Shylla u la kam ba haduh mynta kila don 17 ngut ki MDC kiba la da ka jingthoh ban ia don lang ha ka KHDA.
