New Delhi, Jylliew 24: Ka elekshon ban jied ia u Speaker ka Parliament ka iing dorbar kaba 18th jong ka Lok Sabha kan long ha ka sngi Balang ka 26/Jylliew/2024 kane ka long katkum ka kyrwoh jong ka Lok Sabha.
Ka President jong ka Ri India ka Droupadi Murmu kan ai ia ka jingkren jong ka ha ka jingiashong dorbar lang ki MP jong ka Lok Sabha bad Rajya Sabha ha ka 27/Jylliew/2024.
Ka President kala thung ia u Bhartruhari Mahtab kum u Protem Speaker ban pyniaid ia ka iing dorbar, ban pynbam smai ia ki dkhot ka iing dorbar katba ym pat ioh ia u Speaker jong ka iing dorbar thawain ka Lok Sabha.
Ka jingpynsmai ia ki Dkhot ka iing dorbar kaba thymmai kala sdang mynta ka sngi da ka ingbam smai jong u Protem Speaker kaba la pyndep da ka President, katba ia ki dkhot ka iing dorbar la pynsmai nyngkong ia u myntri Rangbah duh jong ka Ri India bad kane ka jingpynbam smai kan dang beteng la sha ka sngi ban yndep ia kiba pyndep smai mynta ka sngi.
La khim lynti ba kane ka jngshong dorbar kaba nyngkong jong ka iing dorbar kaba 18th jong ka Lok Sabha lada ka sorkar kam don ei ei ban wan rah kan kut ha ka 3/Naitung/2024.
