Shillong, Nailur 25: Ka Nehru Yuva Kendra Shillong (NYKS) mynta ka sngi ka la pynlong ia ka Mega Fit India Run ban rakhe ia ka lyngkhuh dap snem u PanditDeendayalUpadhyaya. Ia kane ka jingmareh la pynlong ha ka jingiatreilang bad ka Pay For Right (PFR) Football Academy.
U MDC ka KHADC, u Fantin Lakadong u la long u kongsan jong kane ka prokram bad u la pyllait ia ki nongiashim bynta ha ka Fit India Run naMalki, Shillong.
Ha ka jingkren jong u, u Lakadongu la ai jingiarohia ka NYKS bad ka PFR kiba la pynlong ia kane ka jingiamareh Fit India Run. U la ong ruh ba ki briew ki dei ban pdiang ia ka rukom im kaba niew kongsan ia ka jingkoit jingkhiah bad ba ki dei ban kilan met man ka por. U la ong ruh ba ki briew ki dei ban bteng biang ia ki jingkilan met jong ki.
U la ong ba hadien ka khlam, mynta ngi la ioh biang ia ka lad ban bteng ia ki jingkilan met jong ngi bad ba kane ka prokram mynta ka sngi kam dei na ka bynta ki khusnam hynrei na ka bynta ka koit ka khiah. Ban long kiba shait ba khlain, ngi donkam ia ka jingkilan met, u la ong.
U State Director ka NYKS, Meghalaya, u Atul J. Nikam, u State Director, Deputy Director, NYKS, Shillong, u D.Rapsang, u President ka PFR, u Franky Kharumnuid bad ki nonghikai ia ka jingialeh kai football, u Rilang Mylliempdah bad u Robin Nongrum ki la iashim bynta lang ha kane ka jingiamareh.
