Shillong, Naitung 16: Ka Hima Nongkhlaw kan rakhe ia ka lyngkhu sngi iap kaba 184 snem jong u Tirot Sing Syiem ha ka 17 July 2019 ha Mairang . U Syiem bad ka Dorbar ki khot sngewbha ba ia wer ia baroh ki khun ki hajar ka bri-u Hynniewtrep ban iapoi lang ha katei ka sngi kum ka dak ka jing iatreilang kawei ban pynkhlain ia ka mynsiem ieit Ri kum ba la ialam da u Khla wait ka Ri jong ngi .
Ka jing rakhe kan sdang naduh ka por 10 baje mynstep da ka jingleitbuh syntiew ha mut Tirot bad pynbud sa ki jingialang paidbah ha kaba ha katei ka sngi yn ia don lang u bah Samlin Malngiang Minister bad bah Pyniaid Sing Syiem Dy. CEM nalor kiwei kiwei ki para Syiem ki Myntri kum ki shakhot kong san.
Tang shuwai ka jingialang ha kapor 12 baje kan don ka jingiakop rwai bad shad tynrai jong ki khynnah skul , ka jingiakop siat khnam ka Penalty Shoot-out bad yn pynkut da ka jingrwai jong ki nongtem ieit- Rib a pawnam ka Jylla jong ngi kata ka dei ka kynhun Snowwhite na Shillong.
U Syiem Plester Manik Syiem bad u Myntri Boldness Lyngdoh Nongum kiba long ki Chairman bad Organising Secretary jong kane ka jingrakhe pyndon burom ia u Syiem Tirot Sing. Ki ia thuh ba ki paidbah kim dei ban khuslai haba wan sha katei ka jingrakhe namar ka iew tynrai la pynkhreh na ka bynta jong ki.
