Shillong, Risaw 12: Yn pynlong ka ICYM-Jowai diocese ia ka annual sports meet 2021: ka indian catholic youth movement jowai diocese Kan pynlong ia ka annual sports meet 2021, ha ka 15th bad 16th October 2021 ha Kiang Nangbah Stadium Dongmihsngi Jowai. West jaintia Hills District. Meghalaya.
Lymba u ne u kyrwoh ki nongialam Jong ka ICYM-jowai Diocese ki khot ki wer ia baroh ki samla Jong ka balang catholic ki ba hap ha poh ka jowai diocese ban wan ia shim bynta Lang ha kane ka annual sports meet Jong ki samla mynta u snem
Haba iakren bad u president ka ICYM-jowai Diocese u samla Mutshwa Thabah halor kane ka Annual sports meet mynta u la ong. Ba kane ka ka dei ka sien ba nynkong ia ka Seng ba Kan pynlong ia Kane ka sports ha kane ka Madan Kiang Nangbah Stadium Dongmihsngi Jowai.
Namar ha ki snem ba la leit noh. La shait pynlong sha ki parish bapher bapher Jong ka Jowai Diocese. Ka jingthmu ban pynlong ha kane ka Madan ka long ban kyntiw shuh shuh ia ki samla donsap bad ki ba thrang ban kiew ha ki Kam ialehkai ban kham pyntbit ialade ha madan kaba biang Katkum ka rukom (standard) Jong ka juk mynta.
Haba twad jingmut Shuh shuh na u sports secretary Jong ka Seng u Samla Bhabok Sungoh. U la ong bad mynta u snem ka Seng kan wanrah ruh ia coach ba paw ka jylla ban wan sakhi Lang ia Kane ka jing ialeh kai naduh ka Football.Basketball bad Athletic bad kyrmen ba ka jingiadonlang ki coach ba paw ka jylla kan plie lad plie lynti ia ki players ki ba trei shitom bad ba don sap ban nagkiew ha ki Kam ialehkai.
U la ong ba Kan don ruh ka jingjeid ia ki players babit naka bynta ka jing ialeh kai paralok (Friendly match) bad ki club ba paw ka jylla. Kumta u la kyntu ia baroh ki samla catholic ki ba Don ka sap bad ka jingthrang ban kiew ha ki Kam ialehkai ban ym pynsepei ia kane ka kabu ksiar khnang ba Kan long ka jingmyntoi ia phi.
La kyntu ia baroh ki samla ki ba wan ban iashim bynta ha kane ka jingialehkai, kidei ban kynmaw ban bud ki kyndon jong ka sorkar lymba ka tnad Jong ka koit ka khiah ban iada ialade bad ia kiwei pat na ka khlam COVID-19 pynkut u kyrwoh na u publicity secretary Jong ka Seng u Samla Eugine Hinge.
