Shillong, Lber 15: Ka Indian Super League (ISL) ka la pynbna ia ki tarik jong ka Playoffs na ka bynta ka aiom 2024-25, ha kaba ka bynta League Stage ka la kut noh, Ka Knockouts kan long ha ka 29 bad 30 Lber 2025 yn bud sa ka Semi-finals ha ka 2 tarik 3 tarik bad 6 tarik, 7 tarik April. Ka Final kan long ha ka 12 April 2025.
Ka Mohun Bagan SG ka la thaw histori da kaba jop ia ka League Shield sa shisien pat hadien ba ka la lah ban lehbha kum ha ka season ba ladep, kaba pynlong ia ka kum ka kynhun kaba nyngkong eh ha ka histori jong ka ISL.
Ka Mohun Bagan SG bad kiwei pat ki kynhun kiba la ioh rung sha ka Playoffs ki kynthup ia FC Goa kaba long ha ka kyrdan ba ar, Bengaluru FC ha ka kyrdan ba lai, ka NorthEast United FC ha kyrdan ba saw, ka Jamshedpur FC ha ka kyrdan ba san bad ka Mumbai City FC ha ka kyrdan ba hyndriew ha ka miej kheiñ poiñ ka ISL.
Ha ka Playoffs ki kynhun kiba don ha ka kyrdan kaba lai haduh kaba hynriew kin iakhun ha ki ar tylli ki Knockout matches ban pynshai mano ban iakhun pyrshah ia Mohun Bagan SG bad FC Goa, kiba la rung beit sha ka Semi-finals.
Ka Semi-final kan long ha ka rukom home bad away, bad kiba jop ha ki ar leg kin iakhun ia ka Final, ha ka 12 April ha ïing jong ka higher-ranked team ha ka League Table.
Ki tarik jong ka Playoffs:
29th March: Knockout 1 – Bengaluru FC (home) vs Mumbai City FC
30th March: Knockout 2 – NorthEast United FC (home) vs Jamshedpur FC
2nd April: Semi-final 1 (First leg) – Winner of Knockout 1 (home) vs FC Goa
3rd April : Semi-final 2 (First leg) – Winner of Knockout 2 (home) vs Mohun Bagan SG
6th April : Semi-final 1 (Second leg) – FC Goa (home) vs Winner of Knockout 1
7th April : Semi-final 2 (Second leg) – Mohun Bagan SG (home) vs Winner of Knockout 2
12th April : Final – Winner of Semi-final 1 vs Winner of Semi-final 2.Lada ki ar kynhun ki thep katjuh ki kol ha ka Playoffs, yn bteng ia ka jingïalehkai da ka extra time bad penalty shootout.
