Ka IOA & AA  ka lynti ban iada ia ka Ri Khasi States na ka CAB bad ki Ain Delhi: Bah John

Shillong, Nohprah 02: Ka Dorbar Federation of Khasi States ka iai ap ia ka Sorkar India ba Kan pyndep ia ki jingiateh ki jingkular kumba la ia kut katkum ki dulir IOA & AA Kum shibynta ban ioh ia ki jingiada kiba tikna kiba skhem kiban iada ia ka Ri Khasi bad jylla Meghalaya lyngba ka jingbsuh bad ka jingpynpaw ia kitei ki kyndon IOA & AA ha ka  Article kaba kyrpang  (Special Article)  hapoh ka Constitution Ri India.

Lada lah ban pynrung ha ka riti synshar kane ka long  kaban batai shai ia ki Hok katkum kitei ki dulir Instrument of Accession and Annexed Agreement  ba la soi bad mynjur da ka Sorkar India bad ki Syiem ha ka rynsan ka Federation of Khasi States ha ka 17 August 1948 ki ban iada ia ka jaidbynriew Khasi

Katei Ka long ka lynti ka ban iada ia ka Ri Khasi lane ka jylla Meghalaya na ki jingtyngkhuh ki Ain Ri India man ka por bad kan pyllait ia ngi na ka jingshong syier ha kaba hap ia khih is lynga man ka por kumba hap ia mareh khah khah sha Delhi ban ia khun pyrshah kawei hadien kawei ka Ain  ka kumba ia mareh pyrshah CAB.

Ki Ain shirynieng ki la syrtap Kum u thabawa bad dei tang lyngba ka IOA & AA ngin lah ban law ia kine jingeh kiba pynduh thiah ia ka Ri bad ka jiadbynriew Khasi kaba kyrpang. hapoh ka jylla Meghalaya. La ong u Bah John Kharshiing nongbuid ka FKS.