Shillong, Mynta ka sngi ka Indian Youth Congress kala pynbna ban pynlong ia ka elekshon ban jied ia ki nongkit kam ba thymmai bad ban pynrung dkhot ha kane kajylla Meghalaya.
Kane ka elekshon kan long naduh ki Assembly Konstitwensi, ha ki District bad haduh ka jylla baroh kawei, kane ka jingle ka long ba ka IYC kan ioh ban jied ia ki nongialam ban ialam ia ka Ri India ha ki por ban sa wan, kane ka long katkum ka jingangnud jong u Rahul Gandhi u ba kwah ban wanrah ka jingkylla lyngba ki samla.
Kane kam dei tang ha kane ka jylla Meghalaya hynrei kan long ha ka Ri India baroh kawei namar ban tei ia ki samla kiba thymmai da kaba sdang naduh tynrai bad kane kan sdang da ka jingpynrung kyrteng ha ka IYC da kaba leit sha ka mobile app jong ka IYC bad lyngba kane kiba kwah ban long dkhot ki lah ban leh.
Ka IYC ka kwah ban long ka elekshon kaba beit bad kaba khuid bad ha kane ka kynti kaba mynta la shah ia ka jingshim bynta ki kynthei bad ki kynhun kiba dang tlot ha ka imlang sahlang ki lah ban ia don bynta lang.
Kiba kwah ban ia khun ia ka elekshon ka jingthep kyrteng kan sdang ha duh 16th Naiwieng haduh 20th Naiwieng 2024, ban pynrung dkhot bad ia ka jingtip kaba bniah leit sha ka website www.ycea.in bad la thung ia u Prakash Kumar kum u nongpyniaid ia ka elekshon.
