Shillong, Naitung 06: U Obress Kholar u ba dei u shongknor jong ka Dorbar Raid Basan u la ong ba ki ioh ban thep Vote ha ka elekshon sha ka iing dorbar jong ka United Khasi-Jaintia Autonomous District Council bad mynta ka Khasi Hills Autonomous District Council hynrei ia ki pat ym shym la ithuh kum ki riewlum kane ka jylla Meghalaya.
U buh ka jingkylli ia ka sorkar Meghalaya bad kumjuh ka ia ka District Council sa katno snem phi dang iai peit ia kane ka phang namar kim dei ki nongwei ki dei ki trai shnong na ka jylla, mynshuwa dang dei ka Assam ki hap ha ka jylla Assam, ynda la ioh ia ka jylla Meghalaya kila hap ha Meghalaya sa kaei pat dang duna.
Man ka elekshon MLA bad MDC ki thep ia ka vote ka jong ki ha Meghalaya bad KHADC, haba ki ia kren bad ki bor sorkar pat ki ong ba kin dang ia peit sa katno por kin dang ia peit ia kane ka jingdawa ka jong ki, kum ka Dorbar raid bad ki Basan ki dawa ba ki dei ban ioh noh ia ka jingithuh kum riewlum kane ka jylla Meghalaya.
Kum ki nongialam ka dorbar raid kila ia kynduh ruh ia u MLA jong ki u Charles Marngar bad kila ia kren ia kane ka phang bad wat na ka liang jong u Syiem ka Hima Khyrim ruh u la dep ban ai da ka jingthoh sha u myntri rangbah ka jylla ban pynthikna ba ki dei ki khun ki hajar ka Hima Khyrim.
