Shillong, Nailur 22: U Symbut Myntri Rangbah ka jylla u bah Prestone Tynsong haba jubab ia ka jingkylli jong u Rupa M Marak, ha kaba ia dei bad ka Police Station ha Damal Asim, la ong ba ka sorkar kala dep ban pynmih ia ka jingpynbna sorkar ha u snem 2017 bad la plie ka ha ka 28th Nailar 2017.
Ia ka jaka ban shna ia ka Police Station la ai ei da Nokma ha kaba ka sorkar kam don kam ban siew ei ei ruh, halor ki jingkylli bynrap, u symbut myntri rangbah la ong ba ka sorkar kala dep ban pynkhreh bad mynta dang pan pisa na ka sorkar.
U Symbut Myntri Rangbah u la iathuh ba ia mynta ia ka police Station la pyntreikam na ka ophis jong ka tnad khlaw jong ka GHADC, ka sorkar kala pynkhreh ia ka skhim na ka bynta ban shna noh ia ki iing ki sem na ka bynta ka tei ka police station.
U Myntri ba dei peit ia ka tnad Revenue bad Disaster Management u bah Kyrmen Shylla haba jubab ia ka jingkylli u bah Heavingstone Kharpran la iathuh ba ka sorkar kala dei ban pynlait ia ka pisa ha ka 21/6/2023 bad ka jingsiew ka long T.1,25,000/- tyngka na ka bynta kawei kawei.
Haba jubab ia ki jingkylli bynrap u myntri la jubab ba lada kita ki ar tylli ki long iing kim pat ioh ia ka pisa kumba la ong ba u ba buh ia ka jingkylli, dei ban pyntip sha ki ophisar kiba dei peit ba lada kim pat ioh ym la lah ban leh ia kaba don kam, hynrei na ka sorkar kala dep ban siew ia ka pisa sha baroh ar tylli ki long iing.
Haba iarap ban jubab ia ki jingkylli bynrap bah Ronnie V Lyngdoh u myntri rangbah ka jylla u Conrad K Sangma u la ong ba ha ka jingialang jong ka MDA, kala don ka jingai jingmut ba pynkylla ia ki kyndon jong ka SRWP, kata ka long ban ailat ia ki MLA ban iarap ia ki paidbah haba pynjulor ka mariang.
Halor ka jingai jingut u Saleng ban ong ba mang pisa thymmai kan shitom, ka jingong ban pynkiew ia ka skhim SRWP na ka kaba mang mynta Rs. 2.5 klur shisnem ia kane ym sa dang peit bniah da ia kane ka jingai jingmut nar ha North East kaba bun eh dei na Meghalaya ka jingmang pisa ia ka skhim SRWP.
U Myntri ka tnad sam bam u bah Comingone Ymbon hba jubab ia ka jingkylli u bah Matthew B Kurbah la ong ba ka sorkar kala shim ia bun ki lat ki lynti ban iada na ka jingkiew dor ki marbam ha iew ha hat bad ka sorkar ka juh khynra ia ki kudam jong ki nongkhaii.
Na ka liang jong ka sorkar kala bthah ia baroh ki Deputy Commissioner ba kin thaw ia ki District bad Sub Division Vigilance Monitoring Committee ban peit ba kan nym don ka jingbuh rieh ia ki marbam mardih.
Haba jubab ia ki jingkylli bynrap u myntri u la ong ba ka sorkar kala pynlong ia ka jingkhynra haduh 343 sien bad la leh ia kane, ki jaka kiba la pynlong ia ka jingkhynra ki long ha Iewduh, Laitumkhrah bad Iew Rynjah.
