Shillong, Iaiong 06: Ka Jeep kaba la rim tam ha kane ka nongbah Shillong dei kaba la shna ha u snem 1942, kaba u Bah Ashok Lyngdoh u dang sumar ia ka haduh kine ki sngi bad kane ka kali ka dang iaid bha ia kaba la wan ruh ban pyninam ha kane ka jingpyniaid paidbah ki kali mynta ka sngi kaba la sdang na Shillong Club.
Ha kane ka sngi baroh ki Jeep kiba larim bha kiba don ha kane ka nongbah Shillong kiba la wan ban ia shim bynta ha kane ka jingiaid paidbah kaba pynbeit da ka ophis jong u DEO East Khasi Hills District ki don khyndai tylli, na pdeng kine kiba la rim tam dei ka jong u Bah Ashok Lyngdoh.
Ka jingiaid jong kine ki Jeep kibala rim tam ha kane ka nongbah Shillong mynta ka sngi kala khring ia ki nongiaid nongieng kaba khlem da lah, ban khlem da sangeh ban ieng ban peit ia kine ki kali kiba la niar ban iohi ba ki iaid ha kane ka nongbah Shillong.
