Shillong, Lber 09: Ka Dalmia Bharat Foundation (DBF), ka dei ka shnat trei kam kaba khmih ban kyntiewia ka imlang ka sahlang jong ka Dalmia Bharat Ltd. (DBL) ha ryngkat ka jingiatreilang bad ka USHA International jong ka kaba iarap ban kyntiew ia ki long kmie bad ki kynthei ha ki kam suhjain ka la lah ban ai jingiarap ia kumba 100 ngut ki long kmie kiba wan na ki long iing kiba duna ha ka ioh ka kot ha ki thainnong kyndong ha Assam bad Meghalaya.
Ha kane ka prokram ba la pyntreikam ha Jagiroad (Morigaon), Lanka (Nagaon) bad hapoh Lumshnong ha East Jaintia Hills la sakhi ia kiba bun ki nongwan shah hikai kiba la lah ban ieng hala ki jong ki kjat lyngba ka kam suhjain.
Ka Binda Lama na Hawaipur, West Karbi Anglong, Assam ka dei kawei na ki nuksa napdeng kiba la ioh pdiang ia kane ka jinghikai bad kaba la ioh ia ka jingjop kum ka nongseng kam la jong bad don mynta la ka jong ka dukan suhjain bad ka jaka ai jinghikai.
Ka jingiohkamai ka jong ka man la u bnai ka long hapdeng ka T. 8000 haduh T.15000 na ka kam suhjain, bad ka la ai jinghikai ruhia ki 13 ngut kiwei pat ki long kmie hapoh ka shnong ka jong ka.Dangshen ka la ioh pdiang ia ka syrnot jong ka jingiaroh bad ka jingaikhubleina ki borpyniaid ka Dalmia Cement Lanka plant namarkane ka jingjopkaba kala ioh ha kane ka bynta.
Ka DBF ka la sdang ia ki prokram ban ai bor ia ki kynthei ha kiwei pat ki shnong kiba marjan, bad ban rat dyngkhong ia ka jingduk lyngba ka jingkyntiew ha kaba ia dei bad kane ka kam suhjain. Ka prokram ai jinghikai kaba hynniew sngi kynthih ka kynthup ha kaba ia dei bad ka kam suhjain kumjuh ki buit suhktina ka bynta ki long kmie, kata nalor ka jinghikai ban pyndait, ban maramot bad kumno ban pynkhuid ia ki korsuhjain.
Nalor kata kine ki nongwan shah hikai ki iohpdiang ruhia ka jingiarap pisa na ka DBF kumjuh na ki kynhun seng kiba ioh jingmyntoi na ka thain na ka bynta ban thied ia ki kor suhjain. Ha ka jingiatreilang halor kane ka bynta, ka Usha International ka la pynioh ia ki jinghikai ban tip bad shemphang ia ki buit kiba iadei bad ka jingai jinghikai, ki jingthmu, ki jingiatreilang bad ka jingpyntreikam ia ka prokram.
Ia mynta hi lyngba kane ka prokram la ai jinghikai sha ki 10 ngut ki longkmie ha Meghalaya ha kaba iadei bad kane ka kam suhjain. Na ka liang ka DBF ka don ruh ia ka jingthmu ban nangkyntiew shuh shuh ia kane ka prokram ha ki bynta bapher bapher jong ka thain shatei lam mihngi (North East).
U nongaiktien ka Comapny ka DBF u la ong; “Ka jingthmu ha kaba pynlong ia kane ka prokram ka long ban btin lynti ia ki long kmie kiba wan na ki long iing kiba duna ha ka ioh ka kot bad kin lah ban kyntiew ha ka kam ai ka jihlyngba ka kam suhjain hapoh ki shnong ki thaw, ban iarap ia ki ba kin long kiba shaniah ha lade ban pynbit pynbiang ia ki jingdonkam hala ki jong ki iing ki sem. Ngi sngewkmen ban ioh ia ka jingjop hapdeng kito kiba la iohia ka jinghikai bad ngi sngew sarong halor ka jingjop ka jong ki.
Ki kyrmen ba kine ki khana ai jingmynsiem jong ki kin pynshlur shuh shuh ia kiwei pat ki long kmie hapoh ki shnong ki thaw ki jong ki bad ba kin wan ia shim bynta ha kiba kum kine ki prokram ai jinghikai suhjain ha ki sngi ki por ki ban dang wan. Ki sngewnguh shibun ia ka USHA International halor ka jingkyrshan ka jong ki ban pynlong ia kine ki prokram ai jinghikai ki jong kiba jop.
Ka Dalmia Bharat Foundation kala iai bteng ban trei na ka bynta ban kyntiewia ka ioh ka kot hapdeng ki nongshong shnong ha ki thain nongkyndong ha ka thain North East. Kane ka foundation ka la pynlongruh ia ki prokram bapher bapher kiba thmu ban kyntiew ha kaba iadei bad ki rukom treikam kiba lah ban kyntiew ia ka ioh ka kot kaba neh na ka bynta ki nongrep, ki longkmie bad ki samla, kata kum ha ka kamriblang, ka kam rep kamriang, thung dieng, soh bad kiwei pat.
