Shillong, Risaw 15: U Chief Executive Member u bah Winston Tony Lyngdoh haba jubab ia ka jingkylli ba la wanrah da u bah Srally Rashir la iathuh ba ka don kawei ka khyrdop jong ka KHADC ha Athiabari bad kawei pat ha Nongshram.
Ka District Council kam shym la khot Tender hynrei kala wah ia ka jingpynbna paidbah ha ka 7/Jymmang/2026 na ka bynta ka khyrdop Athiabari bad u nongshim wai u la ai dor T.1.80 /- lak tyngka bad ia ka khyrdop ha Nongshram la wah ia ka jingpynbna paidbah ha ka 1/Naitung/2026 bad u nongshim wai u la ai dor T.80/- hajar tyngka.
Haba jubab ia ka jingkylli bynrap ba la buh da u MDC ka Langrin u bah Pius Marwein u CEM u la ong ba haduh mynta ym pat don mano mano ban wan pyntip sha KHADC ba kila shim wai ia ki khyrdop hynrei kim ioh ban khrong la ong bala don ai kin wan sha District Council lada donkam ban pynphai noh ia ka pisa ruh kin sa ia peit.
Haba iadei bad ka jingkylli u nongialam ka liang pyrshah u bah Titosstarwell Chyne na ka liang jong u CEM u la ong haba ki wah ia ki jingpynbna kim shym la buh dor hynrei kaei kaba ki leh kiba kwah ban shim wai ia ki khyrdop ki buh hi ia ka dor ha ka shithi ba ki ai sha District Council.
Haba iadei bad ka jingiohlum ia ki musur na ki khyrdop u CEM u la kam ba kala don ka jingkiew ha ka jingiohlum ha ka musur haba ia nujor bad ki por kiba la leit noh kumba la paw na ki jingthoh kiba don ha ophis.
