Shillong, Iaiong 11: Mynta ka sngi ka KSU jong ka shnat kaba don h NEHU kala leit ban ia kynduh ia ki bor pyniaid jong katei ka skul bah ban ia kren halor ka jingsah teng ha ka thung kam thung jam kaba la dap mynta la shiphew snem ei ei kaba khlem lah ban pyndep.
Lada peit ha ka kam nonghikai ha ka kyrdan professor, ki Associate professor, Assistant professor ki don haduh kumba 198 tylli kiba ka skul bah kam pat lah ban thung, kane ka jingiakynduh ka long ban ong ia ka skul bah ban pynkloi ban thung noh ia ki nonghikai ha kitei ki kam balait.
Ha kane ka jingiakynduh ia u Vice Chancellor ka skul bah NEHU u Prabha Shankar Shukla mynta ka sngi kila ong ba lada ym lah ban thung ka jingktah kan long ia kito samla pule kiba dang pule bad dang leh ia ka jingwat bniah ha ki bynta bapher bapher bad kane kan ktah ia ki 1200 ngut ki samla pule.
Ha kane ka jingiakren kum ka seng kala kdew ruh ia ka jingbym pat lah ka NEHU ban thung kam ha ki kyrdan Group-A bad na ka liang jong u VC u la ai ka jingkular ba la kumno kumno 70% haduh ki bnai jylla mynta u snem kin lah ban hung ia ki briew ha kitei ki kam.
Na ka liang jong ka KSU ka khmih lynti ba ka skul bah kan sa leh ban pyndep ban thung kam lada ka jingkren kam urlong na ka liang ka seng kan nym shusngap kumta, ka daw jong ka jingslem ka long ba ki VC mysnhuwa kim treh ban jied ia ki briew ban thung.
La ong ba ia ki Group-A ki don 31 tylli, ia mynta la buh iaki professor ban peit bad kane ka ktah ia ki samla pule bad ka ban khia ia ki Professor namar ha ka juh ka por ki hap ban peit ia ka kam ophisar bad ki hap ruh ban hikai la long u samla Richest Malngiang President KSU ka shnat NEHU.
