Shillong, Rymphang 25: U Nongialam ka liang pyrshah u Dr Mukul Sangma, u la ong ba ka jingdon kam ia ka Inner Line Permit ha kane ka jylla Meghalaya ka dei na ka jingdon jong ka Citizenship Amendment Act, 2019 kaba trei kam ha ka Ri, dei na kane ba daw ba la don kam ban ioh ia ka ILP.
Haba kren ha ki lad pathai khubor u nongialam ka liang pyrshah u Dr Mukul u la ong ba balei don kam ia ka ILP mynta ka daw ka long na ka jingwan jong ka CAA, ka ei kaba la pyrshang ban pynsngewthuh sha ki paidbah halor ka CAA ka dei kaba la juh kren da u myntri kam oph iing ka Ri India u Amit Shah hapoh iing dorbar bad sha bar ka iing dorbar da kaba ong ba ia ka Ri India la phiah ha ka por ba ioh laitluid ha ka nongrim jong ka niam.
U Dr Mukul u la ong ba kane ka jingpynsngewthuh bakla ka long pyrshah ia ka histori jong ka ri bad ia ka burom jong ka Ri, la ong ba baroh ia tip ba shuwa ban ioh ia ka jinglaitluid bun ki hima ki ia wan lang ban pynlong ia kane ka ri kaba khraw bad kata ka jingiawan lang ka long halor ka jingiasnewthuh jingmud lang, kane ka juh ka jingsngew kaba la long na ka bynta kito kiba ha Pakistan kiba kwah ba ia ka Ri jong ki dei ban pynshong nongrim ha ka kyrteng ka niam ym ka ri India.
U Dr Mukul u la ong ba kynmaw ba ka jingialam bakla ia ka histori bad ia ka burom jong kane ka Ri kaba khraw ka don ka jingthmu lupa, u ban biang ka don ka jingthmu lupa, katei ka kata ka jingthmu kaba la don lypa, kaba kong san na ka bynta ban sngewthuh ka long la kane ka jingialam bakla ia ka history bad ka burom jong ka ri da ka jingthmu ban wanrah ia ka lynti ban ong ba ia kane ka Ri la pynshong nongrim ba la seng nongrim ha ka niam, kaei kata ka niam kaba ki kren kylli u nongialam ka liang pyrshah kane ka long kaba kongsan.
Kane ka sorkar mynta ka pyrshang ban ialam bakla ia kaba dei ban pyrshah tyngeh da ki paidbah jong ka jylla. Haba ia dei bad ka ILP u nongialam ka liang pyrshah u la ong ba ka sorkar ka dei ban wad ia ki lat ki lynti ban pynsngew sha ka sorkar pdeng ba ka jylla Meghalaya ka don kam ia ka ILP.
