Shillong, Jylliew 28: Da ka jingthmu ban pynioh ia ka jingkhuid jingsuba kaba la don ha “Swachh Bharat Mission’s” ban pynlong ia ka nongbah Shillong ban lait na ki niut ki nier ka kynhun PMU Team of Swachh Bharat Mission Urban Meghalaya da ka jingiatreilang bad ka Shillong Municipal Board kala pynlong ia ka jingialang ban ia kren ia ia khuid ka suba.
Ha kane ka jingialang kiba la wan ban ia shim bynta ki don haduh 250 ngut ki draibar kiba na kane ka nongbah Shillong, kynthup lang ia ki nongtrei ka SMB, na ka Shillong Cantonment Board bad ki shong kiba khap sor Shillong.
Ha kane ka sngi u Prafulla Kr. Boro MCS Director ka Urban bad ba bat ruh ia ka kam CEO jong ka Shillong Municipal Board, ha ka jingdon lang F.B Chyne Executive Engineer jong ka SMB bad ka PMU, ha ka jingkren la pynsngew ia ka jingkor dor kumno ban leh khuid.
Ha kane ka sngi u CEO ka SMB la pynshai ba ki nongniah kali ki don ka bynta kaba khraw bha namar ki leh ia ka kam ban pynkhuid ia ki niut ki nier bad u la ban jur ba kumno ban bret ia ki niut ki nier ha ka jaka kaba dei ban leh ia kane don kam ia ka jingiatreilang ban pyniakhlad ia ki niut ba pyut bad ki bym pyut.
U CEO ka SMB u la ong ba lada baroh don ia ka jingkit khlieh ban ia treilang lah ban pynlong ia ka Shillong ka nongbah ba khuid tam ha Ri India, kane ka long ban sngewthuh na duh ki nongtrei ba pynkhuid, ki nongniah kalibad kiba trei kam ia kam pynkhuid
Lada ka jingiatreilang ka long katkum ka Solid Waste Management Rules 2016 bad ka Meghalaya Waste Management Bylaws 2016., ha kane ka sngi kiba wan ban ia shim bynta kila pynpaw ia ka jingsngew hun ba kila ioh ia ka jinghkai ba ia dei bad ka khuid ka suba ban pynpoi sha ka thong jong ka Swachh Bharat Mission’s.
