Shillong, Naiwieng 28: Ka Synjuk ki Nongshongshnong jong ka Tyrna Elaka kiba shong basah ha Shillong lyngba ka Tyrna Elaka Welfare Society , Shillong ka wer bad khot sngewbha ia baroh ki parashnong parathaw kiba shong basah ha shillong bad ha kiwei pat ki jaka ba kin sngewbha ban wan sha ka jingialang kaba long ruh kum ka jingiakynduh lang ka ban long ha ka 30/11/2019 por 11:00Am ha Dinam Hall,Jaiaw Madan student.
Ha katei ka sngi u Sirdar Jong ka Tyrna Elaka Mr D.Marbaniang un iadon lang. ha kane ka jingialang Ka synjuk kan iakren sani bha na ka bynta ka jingtreikam jong ka Kynhun jong kiba sah ha Shillong nangta ruh ban pynskhem ia ka Kynhun, ki nongkitkam, bad ia ka Rukom treikam na ka bynta ka jingbit jingbiang jong barohlang u ba shong basah ha shillong.
Nalor nangta ka kynhun kan ia kren ruh ia kiwei pat ki lad ki lynti ban kham pynbha bad ban pynsngewtrai ia la ka shnong ka thaw. Ka Synjuk namar kata ka khot bad wer ba kin sngewbha ban wan khnang khnang bad ban shim ruh ia kane kum ka jingpyntip na ka bynta ki Nongshhong shnong jong ka Tyrna Elaka Tyrna, Lumsohphie, Mawshamok bad Nongthymma.
Kane ka jingiakynduh lang ka long ia kiba shong ha Shillong bad kiba dang sngewtrai ruh ba ki dei ki Khun ka Tyrna Elaka lane Tyrna Sirdarship. Kane ka long katkum ka kyrwoh kaba la phah da u bah P Syiemlieh Secretary bad u bah R Sawian President ka seng.
