Shillong, Nailur 16: Ka jingialang paidbah jong ka “Synjuk Ki Rangbah Kur” jong ka Bri-Hynniewtrep kan long ha Nongstoin ha jan ka ophis jong ka MECOFED jan petrol pump la sngi thohdieng, la kyntu ia baroh ki nongkit kam ban ia poi sha kane ka jingialang.
La khot lawer sngewbha ia baroh ki riewrangbah, ki long kmie bad ki samla ba kin ia poi ha kane ka sngi. Ha kane ka sngi yn jied ruh ia ki nongkit kam jong ka Synjuk na ka bynta ka West Khasi Hills District bad ban pynskhem ruh ia ki nongkit ba ha katei ka sngi.
Ha kane ka sngi ki nongialam jong ka synjut na ka seng kmie kin ia poi lang ha kane ka jingialang paidbah ban pynsngewthuh ia ka jingdon kam ban don ia ki dorbar kur hala ki kur ki kur.
La kyrpad ia ki paidbah ban ia poi sha kane ka jingialang jong ka synjuk. Kane ka long katkum ka kyrwoh kaba la phah da u Bah Starfing Pdahkasiej ba dei peit ia ki lad pathai khubor jong ka Synjuk.
