New Delhi, Nohprah 20: U Myntri Sorkar Pdeng ba dei khmih ia ka Tnad Development of North East, JyotiradityaScindia mynta ka sngi u la ong ba ka Plenary kaba 72 jong ka NEC ka ban pyniaid da u Myntri Kam PohiingAmit Shah lashai ka sngi kan buh ia ka nongrim ba thymmai na ka bynta ka jingsted ka jingkiew shaphrang jong ka thain.
Haba iakren bad ki lad pathai khubor ha kad liengsuin MBB ha nongbahAgartala ha ka por ba u dang poi mynta ka janmiet, u Scindia u la ong ba ha ki sngi ban wan ka thain shateilammihngikansakhi ia ka jingsted ka roi ka par, kaba la thmu da u Myntri Rangbah duh Narendra Modi.
U la ong ba yn pynlong ia ki jingiamir jingmut sani halor ki kam jong ka NEC ha kane ka shi snem ba la leit bad ban pynurlong ia ki jingangnud jong ki jylla na ka thain.
U Scindia u la ong ba u Myntri Sorkar pdeng ba dei khmih ia ka Tnad Kam Pohiing un pyniaid ruh ia ka Banking Summit kaba la pynlong ban pynkhlain ia u budlum jong ka ioh ka kot ha ka thain shateilammihngi.
Ka banking summit kansakhi ia ka jingiashim bynta baroh ki kam ka Sorkar bad ki bank shimet bad ki heh duh jong ki. U la ong ba kan don ruh ka jingpeit bniah halor ka jingdon ki tnad bank bad ki jingthep pisa ha ki kam bank ha ka thain shateilammihngi.
