Shillong, Risaw 30: Mynta ka sngi kala don ka jingialang jong ki tnad syntiat bapher bapher ha ktem jong ki shipai BSF ka Mawpat, kane ka jingialang ka dei kaba 66th ia kaba la tip kyrteng kum ka Directional Level Meeting of lead intelligence agency.
Ia kane ka jingialang la pynlong ha ka jingpeit jingkhmih jong u I.D Singh, DIP (PSO) ka jingmut jong kane ka jingialang ka long ba kumno ban dang pynkhlain shuh shuh ia ki lat lumjingtip bad ba kan dong ka jingiatreilang khatam ha khappud bad ka ri Bangladesh.
Ha kane ka jingialang la ia kren bniah bha ha kaba ia dei bad ka jingwat jingtip ha khappud,khamtam eh ha kaba ia dei bad ka jingkhaii beain ia ki Masi, Shini. Ki tnad syntiat bapher bapher kiba la wan ban ia shim bynta bad kila ai jingmut ba kumno ban ialeh pyrshah ia kane namar ka ktah ia ka shongsuk shongsain bad ka kamai kajih.
Ha kane ka jingialang mynta ka sngi la ia kren sani bha kumno ban dang pynkhlain shuh shuh ia ki lat lum jingtip ban pynkhlian ia ki lat jingpahara ha khappud bad ka Bangladesh ba kumno ban shim ia ki lat ki lynti kiba thymmai.
U I.D Singh DIG (PSO) ha ka jingkren ka jong u u la ban bun ban don ka jingiatreilang hapdeng jong ki ha pdeng ki tnat syntiat bapher bapher ban ia da u pud u sam bad ban ia khun pyrshah ia ki kam sniew ha khappud ha kaba kila shim ia ka rai ban ia treilang ban ia khun pyrshah ia ki kam sniew.
Kane ka jingialang ka long ba ka don ka jingkitkhlieh na ka liang jong ki shipai BSF bad na ka liang ki tnad syntiat ban pynneh pynsah ia ka jingshngian bad ka jingshong suk shong sain ha ka ri bad ban ia da na ki jingma lada don ia ka ri.
