Shillong, Jymmang 19: U myntri ka tnad ka koit ka khiah jong ka sorkar Meghalaya u bah A. L. Hek u lah iathuh ba ka jingialum briew ha iing jong u ka dei namar ba ki briew kiba u lah dep ai jingthoh ba kin wan shim iaka jingiarap pisa kila wan kynsan mynta ka sngi namar ka jingpynbna ka sorkar iaka jingkhang dam.
Haba kren haki lad pathai khubor u bah Hek ula pynshai ba u lah dep ban ai jingthoh sha ki 400 ngut ki briew kiba duk hapoh konstiwensi ban ai ka jingiarap pisa kaba mar t.1000 ,bad haka jingthoh ka ba lah ai sha ki lah buh ka por bad ka sngi ba kin wan shim iakane ka pisa kum ka jingiarap iaki hynrei da ka jingpynbna noh ka sorkar ia ka jingkhang dam ka la pynlong ba kine ki briew ki la wan mynta ka sngi ka ba la pynlong ba kan don ka jingialum briew ha iingsah jong u.
Haba iadei bad kane lah ong ba ka bor ba dei peit ia ka district administration, U BDO bad ki bor shnong kila ia phone ban kylli halor kane ka jingialum briew, namar ba bun ki briew ki wan na ki longiing baduk kim lah ap shuh ban da poi ka pali jong ki hynrei ki la wan mynta ka sngi bad kane ka la long ka daw ban ialum briew ha iing jong u.
U myntri u la iathuh ruh kiba la iawan mynta ka sngi Kim dei tang kiba la ioh ia ka jingthoh hynrei ki don kiba la shu wan laka wan ban wan ieng laiñ, la pynshai u myntri.
