Shillong, K.Lyngkot 22: Ka jingiap jong ki 6 ngut ki briew mynta ka sngi hapoh krem ym lah ban ong ba ki iap ha krem dewiong namar ym don dewiong hapoh thiliew ne sha jong jong ka thliew riew, ka dei ka thliew kaba la ieh, ka jingiap ka dei shisha hynreiw ngut ki iap hynrei kam dei na ka daw ba ong tih dewiong namar kam don dewiong ha kato ka jaka.
U Deputy Commissioner jong ka East Jaintia Hills u Bah E. Kharmalki ha bakren ha u SP News Agency u la iathuh ba na ka liang jong ki bor jong ka District kala leh ia ka jingjurip bad la rah ia baroh hynriew ngut kiba khlad sha Hospital ban leh ia ka post mortem.
Na ka liang jong u Deputy Commissioner u la iathuh ba haduh mynta ka janmiet san ngut na kiba khlad la wan shim noh kiba ha iing ia ka met ka jong ki bad kaba dang sah mynta dei sa kawei ka met ha Hopsital namar bad ka post mortem ka dang iaid mynta.
Haba ia dei bad kane ka jingjia la ka dei ka jingtih ne ka bym dei ruh ki hap ban wat ia u trai jong kata ka jaka ba ai bylla ia ki namar hap leh katkum ka ain bad na ka liang jong ki bor ka District Administration la register mukotduma.
Na ka liang jong u Deputy Commissioner u la ban biang da kaba ong ba ka jingiap jong kine ki 6 ngut ki briew mynta ka sngi ban ong ba ki iap na ka jingtih dewiong ka long ka bym dei namar ha kato ka jaka ba iap kine ki hynriew ngut ym don dewiong.
