New Delhi, Nohprah 24: U myntri khynnah ba die peit ia ka ophis jong u myntri rangbah duh ka Ri India bad u ba bat iawei kiwei ruh ki tnad trei kam jong ka sorkar pdeng ha ka jingiakynduh ba ka kynhun ‘Divyang Employees national organisation’ la ong ba ia ka jingthih ia kiba don jingduna ha ki dkhot met na ka lai jait sha ka san jait hapoh kane ka sorkar kaba la ialam da u Naredra Modi.
Ka sorkar niew ia ki briew baki don ka jingduna ha ki dkhot met, ia kiba kim iohi bha, ki bym ioh sngew, bym lah ban iaid ban ieng, kyntup kiba don jingduna ha ka bor pyrkhat bad ki ar tylli kiwei pat ba thlon haba kren, kiba shah theh Asit, ka jingduna ha ka bor jabieng bad ka jingbym iohi bha.
Ka sorkar pdeng kala pyntrei kam shibun ki kam na ka bynta ka jingmyntoi ka jong ki bad kane ka sorkar kaba la ialam da u myntri rangbah duh ka Ri India ka peit kyrpang ia kiba don k jingduna ha ki dkhot met.
U Dr. Jitendra la ong ba kane ka sorkar kaba la ialam da u Narendra Modi naduh u snem 2014 kala shim khia na ka bynta ka bha ka miat jong ki bad lyngba ka ain “Under ‘The Rights of Persons with Disabilities Act, 2016’, la pynkiew na ki lai tylli ki jingduna kiba don ha ka met jong u briew sha ka san tylli.
Ha kaba ia dei bad ka jingbhah ia ki kam la pynkiew na ka lai sha ka saw ha ki kam ba dei hapoh ki tnad ka sorkar pdeng bad 5 % ha ka pule puthi, la iathuh ba kumba 15,000 tylli ki kam la mang na ka bynta kine kiba don jingduna ha ki dkhot met. La ong ba ka sorkar kala buh ia ka kynhun ia lehkai kaba kyrpang na ka bynta jong ki.
