Shillong, Jymmang 08: U Symbut Myntri Rangbah ka jylla u bah Prestone Tynsong u la pyntip ba ka sorkar mynta ka sngi ha ka jingiashong pyrkhat kam kala shim ia ka rai ban pynjlan shuh shuh ia kane ka jingkhangdam haduh ka 17 tarik mynta u bnai.
Haba kren ha ki lat pathai khubor mynta ka sng u bah Prestone u la ong ba ka jingshim jong ka sorkar ia kane ka rai ka long ba ka dang jur eh kane ka jingkiew kiba ioh ia kane ka jingpang COVID-19, dei na kane ka daw ba ka sorkar kam ban se ban shim ia kane ka rai ban pynjlan shuh ia kane ka jingkhangdam.
Haba por jong kane ka jingkhang dam la shah ia ki dukan die marbam ba kin plie ha ki shnong ki shnong man ka sngi, la shah ia ki bank, ki post ophis ba kin plie bad la shah ban pynpoi ia jingpang ha ki iing ki sem.
Ia kito ki jaka trei kaba ki nongtrei ki shah ha ka juh ka jaka la shah ia ki ban trei tangba kim bit pat ban mih sha bar na ki jaka trei, halor kane ka Deputy Commissioner kan sa ai ia ka jingpynbna, ha ki shnong ki thaw la shah ruh ban pyntrei ia ki jingtrei kiba dei na ka NERGA bad kum juh ia ki nongrep.
Haba ia dei bad ki marrep ban pyniaid iew ka sorkar kala bthah ia ka Iteam-1917 bad ka kynhun Nari ba kin kit ia ki jhur ki jhep bad ban pynpoi ia ki sha ki jaka die ha ki shnong ki thaw bad ki paidbah kin ioh ban thied.
