Shillong, Kyllalyngkot 26: U Lat ka jylla u Phagu Chauhan ha ka jingkren ka jong u ha ka jingrakhe ia ka 75th Republic Day ha Madan Polo u la ong ba ka sorkar jylla kala kut jingmut ban pynneh pynsah ia ka shong suk shongsian hapoh ka jylla.
Haba ia dei bad ka jingiakren ia suk bad ka seng lehnoh HNLC ka jingkhang ka plie bad ka jingiakren ka dei ban long hapoh ka riti synshar jong ka Ri India bad katkum ki kyndon kiba la buh da ka tnad kam poh iing jong ka sorkar pdeng.
Haba ia dei bad ka tnad pulit u la ong ba ka sorkar kala dang pynkhlain shuh shuh da kaba pynbha ia ki jaka trei kam ki pulit ha ki District bapher bapher ha ka jylla baroh kawei bad ka sorkar kan sa khot applikoshon ban thung kam 3000 ngut ki pulit.
Haba ia dei bad ka jingrwai jong ka jylla kaba la pdiang ban pyntrei kam, kaba kren ia ka riti dustur jong ki jaidbynriew ha ka jylla bad ia kane ka jingrwai ka jylla la shna badla pynshong nognrim hapoh jong ka Meghalaya State Language Act 2005.
U Lat ka jylla u la ong ruh ba ha ka 16 Lber 2024 yn sap lie paidbah ia u dur mot ba shisynrieng jong u Tirot Singh ha Dhaka bad ia ka kynhun yn ialam da u Symbut Myntri Rangbah ka jylla u, kaban kynthup ia ki myntri kabinet ki ophisar bad ki lat pathai khubor.
