Shillong, Iaiong 01: Ki shipai BSF ki don ha khappud bad ka Bangladesh kila kem ia ki masi kiba khaii beain man ka sngi hynrei ki nongkhaii kim salai na ka daw ba ka dor masi ka heh ka heh ha Bangladesh.
Na ka liang jong ki BSF ki shem ba ka dor doh masi ha Bangladesh ka long kaba heh haduh katta ban ia nujor bad ka dor kaba la die hapoh kane ka jylla Meghalaya. Kane ka jingjyllei palat jong ka jingshallan tuh ia ki masi sha Bangladesh ka la pynlong ba kan kiew ka don masi ha ki iew ki hat.
Katkum ka jingkhien kaba la ioh la ong ba ki masi kiba wan ha Iew Khanapara kaba don ha Ri Bhoi District ki long na kiwei ki jylla jong ka Ri India bad ha kane ka iew ka jingiakhlieh dor ia ki masi ka long kaba la palat ha kaba ki nongot doh masi kiba die ha ki iew ki hap hapoh ka jylla kila shem jingeh ban ia kop bad ki nongthied khaii tuh sha Bangladesh.
Kumba ka long mynta ka doh masi paidbah ha iewduh ka long haduh T.300/- tyngka shikilo bad ka don met kala palat ia kane ka dor, na ka liang jong ki nongot doh masi ki pynsngew ba ka daw baroh ka long ba lada kim pynkiew ia ka dor kim lah shuh ban pynmih ia ka dor masi namar kala shong rem palat ka masi.
