Shillong, Naiwieng 30: Ka jingkren jong au CEM ka KAAC ba ki khasi kidei ki poi ei kadei ka jingkren tohmet bad kajingkren khlem nongrim bad khlem jingtip jong U ne u CEM. Kat kum ka jingthoh bad jingwad bniah jong u wei u Historian ba pawnam bha jong ka Assam.
U Dr. S.K. Bhuyan u la batai ba ki Karbi katkum ka pateng ki dei ki naka kynhun “Mongoloid” bad katkum ka ktien kaba ki kren ki dei naka kynhun Tibeto-Burman. Ka shnong tynrai jong kine ki briew kiba kren Tibeto-Burman ka dei na Western China bad nangne pat ki rung sha India bad Burma.
La batai ba ki Karbi ki rung sha Assam na central asia ha ka jingphetwir kaba jur bha ha kito ki por nangta pat hi ki por ba ki mynshwa bha ki Karbi ki sah ha ki rud jong wah Kalang bad Kapili bad ha shilynter jong ka Kaziranga hynrei ha ka jingshynshar jong ki syiem Kachari ki la shah beh sha jrong ki lum bad kato katne ki la rung sha Jaintia Hills bad ki Syiem jaintia ki la ai jaka sah ia ki bad ki la im ha ka jingsynshar jong ki syiem Jaintia.
Na kata ka daw ka history ka batai ba umdei U Khasi hynrei ki Karbi kien kiba dei kita ki phetwir lane kita ki illegal settler ha U Pud u sam jong ngi.Ka jingkren jong U CEM ka KAAC ka pynpaw ia ka jingtlot jong U CEM ka JHADC bad ka sorkar kaba ailad lane pynshlur ia U Poiei ban kynnoh poiei ia U Khasi U trai khyndew trai jaka. Kane ma jingkren khamtam kum ha kane ma por ka wanialam Shibun ki jingklumar bad ka pyndiaw ia ngi kum ka jaitbynriew.
Ka Sorkar jylla kadei ban pynpaw sha ka Sorkar Assam ba ki Karbi kimdei ban shan ia U ta u mot jong u forest guard u ba la iap ha U Kuli jong ki Pulit Assam hi kane ban pyrkhat ban shna ia kata ka school ha Mukroh, ioh ka ding kan dang klan.
Ka jingkren jong U CM ka Meghalaya ruh ba “yn pynsangeh shwa ia ka jingiapynbeit pud namar ka jingjia ha Mukroh” ka long kaba phylla, ngi la khmih lynti ba ka sorkar kan peiphang na ka jingjia ha Mukroh bad ban pyrkhat kumno ban pynbeit noh mardor ia U Pud U Sam namar ka tynrai jong kane ka jingjia ha Mukroh kadei hi namar ka jingbym shai u pud u sam.
Ka Sorkar Meghalaya lyngba ka Sorkar Assam kadei ban bthah ia kine ki nongialam Karbi ban um pynklumar lane kynshoit ia U Paidbah u ba la bitar namar ngi kwah ba kan don ka jingiashongsuk shongsian ha ki thain khappud la ong u bah Thomas Passah President KHNAM Youth Wing.
