Shillong, Nohprah 31: Ka confederation of Meghalaya Social Organisation ( CoMSO) ngi pynpaw ia ka Jing bym sngewiahap ia ka jingkren u Vicent Pala ( MP) ba hana ba ka Jylla ka hap ban jied tang kawei ka ILP ne ka sixth schedule bad ruh ia ka jingong ba lada treikam ka ILP ka sixth schedule Kan duh noh. Kane kadei ka Jing ialam bakla ia ki paidbah ka Jylla bad ka dei ka jingkren klumar une u MP.
Ka Kamran Jong u kum u MP ka long ban iasaid nabynta ka Jylla khamtam eh ba un iada ia ka snap kyrpang ka Jaidbynriew Hynniewtrep, phewse ma u pat u kren bad u leh Da kum wei pat . Lada u Vincent Pala u pyrshah ia ka ILP u dei ban Shu kren beit ba u pyrshah ILP um dei ban kren khlain jalebi.
Ka sixth schedule Jong ka constitution ka India ka dei ka stieh kaba iada ia ka riti dustur , ka khyndew ka shyiap , ka khaii pateng , ki dorbar trai Ri bad ia hok kyrpang Jong ngi ki trai muluk. Ki District council ki wanrah ruh ia ka Roi ka par.
Na ka liang jong ka CoMSO la ong ba dang Don kam ia ka sixth schedule bad ia ki District council bad ha ka jingshisha ngi Don kam ban nang pynkhlain shuh shuh ia ka. Kadei ka kamram Jong une u MP ban treishitom ban pyntikna ba ka sixth schedule Kan nang khlain shuh shuh .
Ka ILP kaba mih na ka Bengal Eastern frontier regulation 1873 ka long ka Ain kaban pyrkhing ia ka jingrung bad shong shnong ki poiwir ha ka Jylla ba treikam ka ILP. Ka jingthmu Jong ka ILP ka long ban iada ia ki trai muluk ritpaid na ka jingshah tyllep noh ha ki poiwir heh paid ha la ka Jong ka Jylla . Ka ILP ka long kum ka waitlam kaban mait da ka Ain ia ki poiwir ki ba rung beain da ka jingthmu ban tyllep noh ia ngi ki trai muluk ha la ka Jylla.
Haba phai sha ka Jylla Meghalaya bad ia ka jinglong jingman Jong ka, ngi sngewdei ban Ong ba ngi Don kam lang ia ki District Council bad kumjuh ruh ia ka ILP lane ngi lah ban Ong ba ngi Don kam ia ka Stieh bad ka waitlam iada Ri. Ym dei ban Ong ba ngi hap jied kawei. Baroh artylli ki dei ki hok Jong ngi bad ngi Don ka hok ban nang pynkhlain shuh shuh ia ka sixth schedule bad ban ioh ia ka ILP.
Na ka liang jong ka CoMSO kala ong ba ki kwah ban pynkynmaw pynkynmaw ia u Bah Vincent Pala ioh u klet , ba ha Mizoram Don 3 tylli ki District council , ka ILP ruh ka treikam bad nalor kata kadon ruh ka Article 371 (g) , ha Nagaland Don ka article 371 (a) bad ka ILP, ha Arunachal Pradesh Don ka 371 (h) bad ka ILP bad ha Manipur ka article 371 (c) ka treikam bad nalor kata mynta sa ka ILP.
Ym lah ban Ong ba Lada treikam ka ILP ki district council kin duh noh namar kumba long lang ki wei ki Jylla ngi ruh ngi dei ban ioh lang kumjuh ha kaba ki Don lang ka ILP bad ka sixth schedule ne bad ka article 371. La ong u Bah Robertjune Kharjahrin Chairman CoMSO.
