Shillong, Iaiong 15: U bah PK Shullet engineer jong ka MeECL ba dei ruh u president jong ka ka CCORMUA mynta ka sngi u la ong ba ki jingkynnoh pyrhshah ia u kumba la mih ha ki lat pathai khubor ki long kiba khlem don nongrim.
Haba kren ha ki lat pathai khubor ha Shillong Press Club, la ong ba u la pan jingpynshai na ki muktiar ban kylli hato ka kurim ka lah ne em ban trei kontrak, katkum ka jingong ba kam don jingwit ei ei ba kan trei kontrak.
Haba ia dei bad ki jingkynnoh pyrshah ia u u la pan da ka RTI na ka ophis jong ka ophis jong ka MSDA ban ioh ia ka jingshai halor ki jingkynnoh pyrshah ia u ha dien ba u la ioh ia ki jubab na ka tei ka ophis un sa shong pyrkhat la un ujor sha iing kashari ne em.
Haba ia dei bad ka jingkynnoh ba u dei u para jong u Nidaman Shullet, na ka liang u bah PK Shulet u la ong ba um dei u para ki shu long na ka juh ka jaid bad ka shnong ruh la ka jong haba ia dei bad ki jingpynlut u sam ruh ia ki jingkhein ba la leh da u Chatter Accountant.
Haba kren ha ki lat pthai khubor mytna ka sngi u la pynshai ia baroh ki jingkynnoh pyrshah ia u bad u la ong ban shim kum ka jingkit khlieh pyrshah ia ki kynnoh ia u kumba la mih ha ki lat pathai khubor mynta ka sngi u la iehnoh noh ia ka kam president jong ka CCORMUA.
