Shillong, Naiwieng 22: Katkum ka jingpyntip na ka liang jong ka iing ka sem, ka long ba ka jingleit ontep don burom ia u bah Stanlington David Khongwir kan long ha ka sngi Thohdieng.
Ia ka jinglehniam kan sdang ha iing sah jong u ha Mawlai Nonglum mar pyrshah bad ka Madan Weiking ha ka por 12.00 baje shiteng sngi bad ka jingleit on tep kan long ha u lum jingtep jong ka balang Mawlai Presbyterian.
Ki nongialam seng sain pyrthei bad ki riew pawkmat ka jylla, kum juh ki paidbah kila ia poi sha iing sah jong u ban pynpaw ia ka jingsngewlem halor kane ka jingkhlad noh u ne u rangbah bala don bynta ha ka sain pyrthei bad bat kum ki kam ha ka sorkar.
Na ka liang jong u Shongknor ka iing dorbar thawain ka jylla u Thomas A Sangma u la phah ia ka khubor sngewlem halor kane ka jinglhlad noh u tei u rangbah bad kane kala wanrah ia ka jingduh ym tang ha ka iing ka sem hynrei ha jylla baroh kawei.
