Shillong, Nailar 16: U Myntri rangbah ka jylla Meghalaya u Conrad K Sangma haba plie ia ka jingsdang pynioh kam kaba lai sngi kaba la pynlong da ka North Eastern Hill University (NEHU) u la ong ba ka jingnang ia ka ktien ka dei ka lat ioh kam ioh jam.
U Myntri Rangbah ka jylla mynta ka sngi u la kubor ba tang ka kam sorkar ym lah ban pynbing kam, ia kane ka bynta don kam ban ia treilang na baroh ki liang bad ia kane kam hap ban da peit bha bad ka jingnang ia ka ktien ka dei kawei ka lat ioh kam ioh jam.
Kumba ka long mynta ka don ki lat ioh kamioh jam kum ha ri Germany, UK, China, Japan, Austrolia bad kiwei kiwei ruh, na ka liang jong ka sorkar kan pynshlur ban hikai ia kiwei ki jaitktien khnang ba ki khun samla kin ioh kam sha ka pyrthei.
Kane ka jingpynlong jong ka NEHU kane ka lat pyniohkam ka long kaba don kam ha kaba ki samla kin ioh ban ia kren mar khamt ba kito kiba ai kam. Kane ka long ka kabu ia ki samla pule kane ka jylla Meghalaya.
Ha kine ki lai sngi kiba ka NEHU kala pynlong ia kane ka lat ioh kam ioh jam kabala sdang mynta ka sngi bad kan kut ha ka 18 tarik mynta u bnai kan iarap ia ki samla pule ba kin sngewthuh namar kin don kubma 7000 tylli ki jaitkam kaba ki samla ki lah ban jied kat ka jingiahap bad ki.
Mynta ka sngi kumba 3000 ngut ki samla kila ia wan na kylleng ban sngewthuh ia ki jaitkam kiba la tyrwa da ka kompeni kum ka, TimesPro, Adecco, Sudexo bad bun kiwei kiwei de kiba la ai don lang ha kane ka sngi.
Na ka liang jong ka NEHU ha dien ba kala pyntreikam ia ka NEP-2020, ka skul bah kala pynlong sa kane ka lat ioh kam ioh kam bad kane ka ai kam naduh ka kyrdan pule kaba 10 haduh ka kyrdan kaba heh duh.
