Shillong, Naitung 29: Ka seng samla ma
wlai mawdatbaki ha ka sngi Saitjain ka la pynlong ia ka jing pynkup burom ia ki lai ngut ki samla pule jong ka thain mawdatbaki kiba la pass ha ki exam bapher bapher kata ha ka HSSLC bad ka SSLC, bad ia kane ka jing ialang la pyniaid da u bah Lumsyntiew Lyngdoh ia kaba la pynlong ha Indoor Stadium Mawdatbaki, ha kaba u bah Teibor Pathaw u la long u kong ban san ia ki khusnam.
Ki lai ngut ki samla kiba la wan sha khmat ha ka eksamin ka jong ki ki long u samla Rishaun Lauren kharsohnoh 10 position ha ka HSSLC,ka samla Ibarisha Thangkhiew 5 position ha ka SSLC bad ka samla Amyca Marwein 8 position ha ka SSLC .
U bah Teibor Pathaw haba kren ha kane ka jingpynkup burom ia ki samla kiba la pass bha u la ong ba kane ka long ban ai mynsiem ia ki ba kin dang ia trei shitom ha ka jingpule ka jong ki bad ha ka juh ka por ka long ka nuksa ia kiwei ruh ki samla pule ba kin trei minot ban pule ha ka jingpule kajong ki.
Ka jingpule kam dei ba pule tang ban ioh ia ka jingnang jingstad hynrei kaei kaba kongsan ka long ba ka jingnang jingstad ka long ka lynti ia ka jingim ki briew ban long ka atiar na ka bynta ban pyndonkam ha ka jingim ki briew, ha kaba ka jingjop ka wan ha dien ka jinglen lade khlem da kynran dien haduh ban da poi sha ka thong.
Nga sngew dei ban ai khublei kyrpang ia ki khynnah samla kiba wan sha khmat ha ki jingpule hadien ka jingtrei shitom ki ioh ban kheit ia u soh jong ka jingjop ha kaba ki la ioh ia ka jingithuh kaba mynta ka sngi da kaba ki shah pynkup burom ”,la ong u Bah teibor.
Ha kane ka sngi la sam ia ki khusnam sha ki khynnah kiba la pass bha la sam da u Kongsan u bah Teibor Pathaw. Bad ha kane ka juh ka sngi la ai ruh ia ki identity card sha ki shnong jong ka Mawlai Mali baroh kawei khnang ban pynshisha ia ki VDP.
