Shillong, Nailur 29: Ka nongai ktien ka seng Congess kaba dei ka dkhot jong ka AICC ka Onika Mehrotra kala ong ba ka jingpynkhreh ban mang bhah kyrpng ia ki kynthei sha ki iing dorbar thawain ka dei ha u snem 1989 ha por ba u Rajiv Gandhi bam kwai ha dwar.
Ia kane ka Bill ban mang bha kyrpang ia ki kyntthei sha ki iing dorbar thaw ain la sdang ha u snem 1989, kane ka jingangnud jong u ban ai bor ia ki kynthei bad kane kan long ka jingmyntoi lada ki kyntthei ki ia don bynta lang ha ki kam sain pyrthei, namar ki kyntthei ruh ki don ka bynta kaba khraw ha ka ban kyntiew ia ka ioh ka kot.
Ha ka jinglong myntri Rangbah duh jong u Rajiv Gandhi bam kwai ha Dwar u blei ym shym la lah ban pynurlong ia kane ka jingthmu ban mang kyrpang ia ki kynthei 33% ha ki iing dorbar.
Hynrei ha ka por jing long myntri rangbah duh u P V Narasimha Roa bad ha us nem 2010 por lang myntri rangbah duh u Dr. Manmohan Sing la pdiang ia kane ka bill ha Rajya Sabha hynrei yms hym la lah ban pdiang ha Lok Sabha bad kane ka Bill kala sah kut.
Ha kine ki snem jong ka jinglong myntri rangbah duh u Narendra Modi ka party Congess kala thoh na ka por sha ka por sha ka sorkar ban pdiang noh ia kane ka Bill, hynrei ha dien khyndai snem shieng kila pdiang ia kane ka bill da kaba wanrah ia ka jingpynkylla ha ka kyrteng hynrei ka jingthmu ka dei ka juh kaba ki kam mynta.
Ha kane ka Bill kila kren shai ba ia kane ka jingmang bhah kyrpang ia ki kynthei kan nym trei kam ha kane ka elelction sha ka Lok Sabha ha u snem 2024 bad lada ym pat lah ban pyndep ia ka jingthoh ia ka khana samari,a k jingkylli mynta ka long balei pynslem bad balei la leh ha ka dorbar ba kyrpang.
Kane ka Bill ka dang eh ban pyntreikam bad kane jingwan jong ki ban kren sha ki paidbah ka long ban pynshai ba ki paidbah kane ka Ri India kin sngewthuh namar ia ka khana samari yn lah ban pynmih dei ha u snem 2026. Kane ka jingleh ka long tang ban pynbiet pidbah.
Ka Congress ka dawa ba ia ka jingmang bhah kyrpang ia ki kynthei dei ban pyntrei kam noh khlem da pynslem, ka nongialam ka AICC ka kynnoh ba kane ka jingleh ka BJP ka dei tang ka buid elekshon ban pynbiej ia ki paidbah, ki kynthei jong kane ka Ri kila shai mynta kin nym lah ban pynbiej shuh.
Ha ka por jong ka Congess ym lah ban pdiang ia kane ka Bill dei ba pyrshah na ka BJP, kum u L K Advani bad kiwei kiwei, ka jingkylli ka long ba hapoh jong ka RSS ym don kynthei,balei mynta ki pynslem ban pyntreikam haba la pdiang ia kane ka Bill.
